«Жылдағы сорақылық»: Алматы облысындағы ауылда құбыр тағы жарылды

Фото: видеодан скрин

Алматы облысындағы Қырғауылды ауылының тұрғындары жыл сайын қайталанатын инфрақұрылым апатынан әбден шаршады, деп жазады Qazaqtoday.info.

Тәуелсіздік көшесінде кезекті рет құбыр жарылып, ауыз су қайтадан ашық-шашық көшеге ағып жатыр.

Сапасыз жасалған құдықтар мен тозығы жеткен желілердің кесірінен жолдың асты ойылып, асфальттың талқаны шыққан. Округ әкімі Ержас Серғазыұлына халық сан рет шағымданғанымен, шенеуніктер тарапынан әлі күнге дейін нақты нәтиже болмай тұр.

Жылда қайталанар бұл сорақылық ауыл тұрғындарының тынышын кетіріп, халықтың ашу-ызасын тудырды. Ашынған жұрт әкімдіктен құр сөзді қойып, бұл мәселеге тез арада түбегейлі шешім қабылдауды талап етіп отыр.

Видео: @kyrgauyldy