Атыраудағы балабақшада күріштің келісін 21 мың теңгеден сатқан

Атырау облысында мектепке дейінгі мекемелерді азық-түлікпен қамтамасыз ету төңірегінде үлкен дау тұтанып жатыр.

Жергілікті кәсіпкер жекеменшік балабақшаға қарапайым күріштің бір келісін ақылға сыймайтын 21 мың теңгеден сатып келген. Экономикалық тергеп-тексеру департаментінің басшысы Бекболат Әнесовтің айтуынша, бұл бизнесмен заңды белден басып, сауда үстемесін 3500 пайыздан асырып жіберген.

Аймақта осыған ұқсас заң бұзған тағы 10 ірі өнім жеткізуші анықталды. Облыс әкімдігі бұл бассыздықты уақытылы қадағаламай, балалардың несібесін жегендердің тайраңдауына жол беріп отыр.

Қазіргі таңда әкімдік жанынан арнайы комиссия құрылып, кінәлілерге қатысты шара қолдану мәселесі енді ғана қарала бастады.

Видео: @imedia.com.kz