Алматыда дипломын жыртқан түлек 5 тәулікке қамалды
Алматыда полиция дипломын жыртқан түлекті анықтап, сот оны ұсақ бұзақылық үшін бес тәулікке қамауға алды. Нағыз диплом зақымданбаған.
Алматыда түлек дипломын жыртып, оны бейнеге түсіргені үшін бес тәулікке қамауға алынды. Бұл туралы деп хабарлайды Qazaqtoday.info сайты.
Полиция қызметкерлері «жыртылған дипломмен» бейнежазбаның авторын анықтады. Сот оны ұсақ бұзақылық үшін бес тәулік әкімшілік қамауға алды. Тексеру барысында нағыз диплом мен мұқабасының бүтін екендігі анықталды. Жігіт алдын ала дайындалған жалған дипломды пайдаланған.
Осыған қарамастан, бейнежазба интернетке тарап, пайдаланушылардың екіұшты пікірін тудырды. Автор ҚР ӘҚБтК-нің 456-2-бабы 3-1-бөлігі бойынша жауапкершілікке тартылды. Сондай-ақ, оған ӘҚБтК-нің 434-бабы 1-бөлігі (ұсақ бұзақылық) бойынша бес тәулік әкімшілік қамау тағайындалды.
Еске салайық, бұған дейін ол өз әрекеті үшін кешірім сұраған болатын.
