Атырау облысында жасөспірімдердің жаппай төбелесі видеоға түсіп қалды
Атырау облысының Жылыой ауданында 13-14 жастағы жасөспірімдер жаппай төбелесті. Полиция оқиғаға қатысушыларды анықтап, ата-аналарын жауапқа тартты.
Сурет: tengrinews.kz
Атырау облысының Жылыой ауданында жасөспірімдер арасында болған төбелес видеоға түсірілген. Өңірлік полиция департаментінің хабарлауынша, оқиға сәуір айында болған және оған қатысушылардың барлығы анықталды деп хабарлайды Qazaqtoday.info сайты.
Полиция мәліметі бойынша, заңға қайшы әрекетке 13-14 жас аралығындағы кәмелетке толмағандар қатысқан. Олар заңды өкілдерімен бірге полиция бөлімшесіне жеткізілген.
Жасөспірімдер ішкі істер органдарының профилактикалық есебіне алынды. Жинақталған іс материалдары тиісті шара қабылдау үшін кәмелетке толмағандардың істері және олардың құқықтарын қорғау жөніндегі комиссияға жолданды. Сонымен қатар, бала тәрбиелеу, оқыту және күтіп-бағу жөніндегі міндеттерін тиісінше орындамағаны үшін олардың ата-аналары әкімшілік жауапкершілікке тартылды.
https://www.youtube.com/watch?v=veGvbY_syPk&t=9s
