Рыбакина Мадридте камбэк жасады: Олимпиада чемпионы тізе бүкті

Қазақстанның бірінші ракеткасы Елена Рыбакина Мадридте өтіп жатқан WTA 1000 турниріндегі екінші жеңісіне қол жеткізіп, келесі айналымға өтті, деп хабарлайды Qazaqtoday ақпарат агенттігі.

Әлемдік рейтингте екінші орында тұрған қазақстандық теннисші үшінші кезеңде планетаның 36-ракеткасы, қытайлық Чжэн Циньвэньмен кездесті. Тартысқа толы матч үш сетке созылып, 2 сағат 21 минутқа созылды.

Бірінші сетте 4:6 есебімен жеңілген Рыбакина нағыз спорттық мінез танытып, ойын барысын өзгерте алды. Ол келесі екі сетте 6:4, 6:3 есебімен басым түсіп, тамаша камбэк жасады.

Кездесу барысында қазақстандық спортшы жеті эйс жасап, бір ғана қос қателікке жол берді. Сондай-ақ тоғыз брейк-пойнттың төртеуін сәтті пайдаланды.

Төртінші айналымда Елена Рыбакина ресейлік Анастасия Потапова мен латвиялық Елена Остапенко арасындағы матчтың жеңімпазымен кортқа шығады.

Фото: Clive Brunskill / Getty Images