Теміртауда зейнеткерді аяусыз соққыға жығып, оны видеоға түсіріп мазақ еткен кәмелетке толмағандарға қатысты сот үкімі шықты, деп хабарлайды Qazaqtoday ақпарат агенттігі.
Сот тергеуінің мәліметінше, оқиға биылғы жылдың ақпан айында болған. Жасөспірімдер тобы қарт адамның пәтеріне екі рет басып кіріп, оны соққыға жыққан және барлық әрекетін ұялы телефон камерасына түсіріп отырған.
Сонымен қатар сотталушылардың бірі 95 мың теңге көлемінде тонау қылмысын жасағаны үшін де кінәлі деп танылды.
Сот шешімімен шабуылға қатысушылар 5 жылдан 7 жылға дейінгі мерзімге бас бостандығынан айыру жазасына кесілді.
Бұған дейін осы шулы оқиғаға байланысты қаладағы бірнеше педагог пен қала әкімінің орынбасары да жауапқа тартылғаны белгілі болған.
Фото: Әлеуметтік желіден
