Қазақстанның оңтүстігінде жер сілкінді: эпицентрі Ауғанстанда болған
Қазақстанның оңтүстігінде жер сілкінісі тіркелді. ҚР ТЖМ мәліметінше, дүмпу эпицентрі Ауғанстан аумағында, Алматыдан 853 шақырым жерде болған.
file_773.jpg
Қазақстанның оңтүстігінде жер дүмпуі сезілді, оның эпицентрі Ауғанстан аумағында орналасқан, деп хабарлайды Qazaqtoday ақпарат агенттігі.
ҚР Төтенше жағдайлар министрлігінің сейсмологиялық бақылау желісі жерасты дүмпулерін 3 сәуірде Астана уақытымен сағат 21:13-те тіркеді.
Жер сілкінісінің ошағы Алматы қаласынан оңтүстік-батысқа қарай 853 шақырым жерде анықталды. Ведомствоның хабарлауынша, өңір тұрғындарына ешқандай қауіп жоқ.
Фото: Әлеуметтік желіден
