Атыраудағы қанды қылмыс: күдікті тағы екі адамды өлтіргенін мойындады
Индонезиядан экстрадицияланған Сұлтан Сәрсемалиев бұрынғы қайын атасы мен енесінен бөлек, әйелінің ағасы мен қарындасын да өлтіргенін мойындады.
file_626.jpg
Атырауда бір отбасының төрт мүшесін өлтірді деген күдікке ілінген Сұлтан Сәрсемалиев тағы екі қылмысын мойындады, деп хабарлайды Qazaqtoday ақпарат агенттігі.
Бұған дейін Индонезиядан экстрадицияланған Сәрсемалиевке бұрынғы қайын атасы мен қайын енесін өлтірді деген айып тағылған еді. Қамауға алынғаннан кейін ол бұрынғы әйелінің ағасы мен қарындасын да өлтіргенін айтқан.
Хабар-ошарсыз кеткен екі адамның сүйегі күдіктінің бұрын жалдап тұрған үйінің ауласынан табылды. Ол марқұмдарды Атыраудағы «Геолог» ықшамауданындағы үйдің ауласына көміп тастаған.
Фото: Әлеуметтік желіден
