Пәкістанда жұма намазы кезінде мешітте болған жарылыстан 30-дан астам адам қаза тауып, 170-ке жуық адам жарақат алды, деп хабарлайды Qazaqtoday ақпарат агенттігі.
Жергілікті полицияның мәліметінше, жанкешті лаңкес мешітке кіреберісте тоқтатылғаннан кейін өзін-өзі жарып жіберген. Соңғы деректер бойынша, қайғылы оқиғадан 31 адам көз жұмып, 169 адам түрлі дене жарақатын алған.
Әзірге лаңкестік әрекет үшін жауапкершілікті ешбір топ өз мойнына алған жоқ.
Осы қайғылы оқиғаға байланысты Қазақстан Президенті Қасым-Жомарт Тоқаев Пәкістан президенті Асиф Али Зардари мен премьер-министрі Шахбаз Шарифке көңіл айту жеделхатын жолдады.
Фото: Әлеуметтік желіден
