Ресейдің Красноярск қаласындағы №153 мектепте жантүршігерлік оқиға болды. 8-сынып оқушысы сыныптастарына шабуыл жасап, бірнеше баланы жарақаттады, деп хабарлайды Qazaqtoday ақпарат агенттігі.
Алдын ала мәліметтерге сәйкес, 14 жастағы жасөспірім сабаққа балтамен және бензин құйылған ыдыспен келген. Ол сыныпқа кірген бойда оқушыларға бензин шашып, от қойған. Бұған қоса, бірнеше сыныптасын балтамен ұрып жарақаттағаны айтылады.
Салдарынан бес оқушы зардап шекті. Бір баланың денесінің 40 пайызы күйіп, қазір ауыр халде жатыр. Тағы екі оқушының денесін 15 пайыздық күйік шалған. Қалған екеуі бас-ми жарақатымен ауруханаға жеткізілді.
Қазіргі уақытта оқиға орнында жедел қызметтер жұмыс істеп жатыр. Құқық қорғау органдары шабуылдың себебі мен оқиғаның толық мән-жайын анықтауда.
Фото: Әлеуметтік желіден
