Атырауда жұмбақ өлім: үй иесі мен қонағының қазасына не түрткі болды?
Фото: Pixabay
Атырау облысының Индер ауданына қарасты Есбол ауылында екі ер адамның жансыз денесі табылды, деп жазады Qazaq Today ақпарат порталы «Ақ Жайық» басылымына сілтеме жасап.
Алдын ала мәлімет бойынша, көз жұмғандардың бірі — 1976 жылы туған үй иесі. Ол үйде жалғыз тұрған, қайғылы оқиға болған күні үйіне қонақ келген. Екі азамат та сол түні көз жұмған.
Индер ауданы әкімдігінің баспасөз қызметі газдан улану нұсқасын жоққа шығарды. Мамандардың болжамынша, ер адамдар қатты қызып тұрған пештің дәл қасында ұйықтап қалған. Соның салдарынан ағза тым қызумен шұғыл түрде істен шығып, өлімге әкелуі мүмкін.
