Жолсыз қалған ауыл: Қостанай тұрғындары дәрігерге де, дүкенге де жете алмай қалды

Фото: видеодан скрин

Қостанай облысы Денисов ауданына қарасты Набережный ауылы он күннен бері сыртқы ортамен байланыссыз отыр. Ауылға апаратын жалғыз жолды қазып тастап, «екі күнде жөндеп береміз» деген уәде айтылғанымен, арада он күн өтсе де, жұмыс әлі басталмаған, деп хабарлайды Qazaq Today ақпарат порталы.

Жолдың жабылуы ауыл тіршілігін толық тоқтатты. Терең шұңқырдан тек жол талғамайтын көліктер ғана өте алады, ал жеңіл көлігі жоқ тұрғындар ауылдан бір қадам да шыға алмай қалған.

«Біреу ауырса қайтеміз? Ауруханаға жетуге мүмкіндік жоқ. Бір ауылдың жолын қазып тастады да, қайта жөндеуге ешкім асықпай отыр», — деп налиды жұрт.

Тұрғындар жауапты мекемелерден мәселені дереу қолға алып, жолды қалпына келтіруді талап етуде.