Танымал тележүргізуші Диля Ибрагимова өмірден өтті
Фото: Әлеуметтік желі
Танымал спорт тілшісі, қазақстандық журналист Диля Ибрагимова дүниеден өтті. Ол соңғы бірнеше жыл бойы ауыр сырқатпен күресіп келген еді, деп хабарлайды Qazaq Today ақпарат порталы.
Диля Ибрагимова тележурналистикада ұзақ уақыт еңбек етіп, спорт жаңалықтарының бетке ұстар жүргізушілерінің бірі ретінде танылды.
Ол «Хабар» мен «КТК» арналарында спорт хабарларын жүргізіп, қазақстандық спорт журналистикасының дамуына айтарлықтай үлес қосты. Жоғары кәсіби деңгейі мен азаматтық ұстанымының арқасында көпшілікке үлгі болып, осы саладағы жас мамандарға жол көрсетті.
«Оның еңбегі мен жарқын бейнесі қазақстандықтардың есінде сақталады деп сенеміз», – деп жазды ҚР Мәдениет және ақпарат министрлігі көңіл айту хабарламасында.
Qazaq Today редакциясы марқұмның жақындары мен туған-туыстарына қайғырып көңіл айтады.
