Димаш Құдайберген ел халқына арнап маңызды мәлімдеме жасады
Фото: Youtube//Dimash Qudaibergen
Әлемге әйгілі қазақстандық әнші Димаш Құдайберген жанкүйерлерін қуантудан жалықпайды. Бүгін ол Алматыдағы фан-кездесуі туралы айтты, деп хабарлайды Qazaq Today ақпарат порталы.
Димаш Алматыда өтетін «D and Dears» кездесуіне деген ерекше ықыластарыңызға қуанышымды сөзбен жеткізе алмайтынын айтты.
«Сіздердің көпшілігіңіз фан-кездесуде болатын-болмайтыным туралы сұрадыңыздар. Әрине, боламын!», — деп жазды Димаш.
Әнші дәл осы кеш үшін ұжымыммен бірге жанкүйерлерін ерекше қуантатын жаңа әндер мен бейнебаяндар дайындап жатқанын айтты.
«Мен сіздерді қатты сағындым, қымбаттыларым Dears. Сіздермен кездесуімізді асыға күтемін. Өздеріңізбен жылы шығармашылық атмосферада әңгімелесіп, сұрақтарыңызға жауап беруге дайынмын», — деді Димаш Құдайберген.
