Тоқаев Дональд Трампты құттықтады
Мемлекет басшысы Қасым-Жомарт Тоқаев АҚШ президентінің сайлауында айқын жеңіске жеткен Дональд Трампқа құттықтау жеделхатын жолдады
Қазақстан президенті қауіпсіздік, ядролық қаруды таратпау, инвестиция салаларындағы екіжақты ынтымақтастық дәйекті түрде дами беретініне сенім білдірді.
Қасым-Жомарт Тоқаев Дональд Трампқа Америка халқының өсіп-өркендеуі жолындағы, сондай-ақ жаһандық тұрақтылық пен қауіпсіздікті қамтамасыз етудегі қызметіне табыс тіледі.
Айта кетсек, 5 қарашада АҚШ-та өткен президент сайлауының қорытындысы бойынша Дональд Трамп елдің 47-басшысы болды.
