Қостанайда әйелдің саусағы торт безендіретін құралға қысылып қалған
Қостанайда әйелдің саусағы торт безендіретін құралға қысылып қалған, — деп хабарлайды Qazaq Today ақпарат агенттігі «Астана» телеарнасына сілтеме жасап.
Қостанай тұрғынына құтқарушылардың көмегі қажет болды. Оқиға түн уақытында болған.
19 жастағы тұрғын абайсызда саусағын кондитерлік пакеттің саңылауына тығып алған, оны өздігінен шығара алмаған.
«Оқиға орнына келген құтқарушылар арнайы құралдардың көмегімен қыздың саусағын шығарды. Құтқарылған адамға қосымша медициналық көмек қажет болмады», — деп жазылған мәліметте.
Фото: «Астана» телеарнасы
