Алматы облысында қар көшкіні жүрді
Фото: ТЖ департаменті
Еңбекшіқазақ ауданы «Түрген ауылы — Батан» автожолынан 24 шақырым жерде қар көшкіні болды, деп хабарлайды Qazaq Today ақпарат порталы.
Алматы ТЖМ мәліметінше, жалпы көлемі 216 текше метр болатын қар массасы автожолды жауып тастады.
«Зардап шеккен азаматтар мен ғимараттар жоқ.
Оқиға орнына Алматы облысы ТЖД 1 қызметкері мен 1 техникасы жіберілді. Сондай-ақ, «Қазселденқорғау» ММ қызметкерлері автожолды тазартумен айналасып жатыр», — делінген хабарламада.
Естеріңізге сала кетейік, «Түрген ауылы — Батан» автожолы жолаушылардың қауіпсіздігі мақсатында 2024 жылғы 01 мамырға дейін жабық тұрады.
