КХЛ «Барыс» пен «Авангард» матчының интригасын бағалады
КХЛ ресми сайты «Барыс» пен «Авангард» арасындағы матчқа шолу жасап, командалардың соңғы нәтижелері мен ойыншылар статистикасын келтірді.
Сурет: sports.kz
КХЛ ресми сайты Астананың «Барысы» мен Омбының «Авангарды» арасындағы тұрақты чемпионат матчына қысқаша шолу жариялады.
Бұл туралы Qazaqtoday.info сайты хабарлайды.
«Авангард» ағымдағы үй сериясындағы үш матчтың екіншісін өткізеді, ал «Барыс» екі ойыннан тұратын сапарларын аяқтайды. Бұл маусымда қарсыластар алғаш рет 10 қазанда Астанада кездескен — сол кезде Михаил Кравецтің шәкірттері сенімді жеңіске жеткен (5:1). Қазіргі уақытта қонақтар соңғы бес ойынның үшеуінде жеңіліс тапқан. «Барыс» Омбыға Уфадан аттанды, онда жергілікті «Салават Юлаевқа» есе жіберді (3:5). Ги Буше командасының соңғы бес матчта төрт жеңісі бар, сондай-ақ «Металлург» (4:3 ұзартылған уақытта), «Нефтехимик» (5:1) және «Адмирал» (3:1) қарсы үш ойындық жеңіс сериясы жалғасуда. 32 ұпаймен «қаршығалар» Шығыс конференциясында төртінші орынға шықты. Астаналықтардың ұпайы үшке кем — олар әзірге плей-офф аймағына таласуда.
КХЛ-дың соңғы бес матчындағы команда көшбасшылары: «Авангард» шабуылшылары Константин Окулов (1+2) мен Василий Пономаревтің (3+1) үш ойындық нәтижелі сериялары бар. Омбылықтар сапындағы ең үздік бомбардир — форвард Джошуа Ливо (9+12). Джозеф Чеккони мұзға шықса, КХЛ-дағы 100-ші ойынын өткізеді. Майкл Маклауд лигадағы 100-ші ұпайына бір қадам қалды. «Барыста» форвард Мэйсон Морелли (2+2) үш ойын қатарынан ұпай жинап келеді. Қонақтар сапындағы нәтижелілік бойынша Морелли (7+16) тек Джастин Бэйлиге ғана жол береді — ол бүкіл тұрақты чемпионаттың үздік бомбардирі әрі снайпері (17+11).
КХЛ тарихында «Авангард» «Барысты» 52 рет жеңген, ал астаналықтар «қаршығалармен» 28 ойында басым түскен.
«Авангард» — «Барыс» матчының тікелей трансляциясы Қазақстан уақытымен 18:30-да басталып, «Qazsport» телеарнасында көрсетіледі.
