Тоқаев: цифрландыру дәуірінде ғылым мен білімге ерекше орын беріледі
Қасым-Жомарт Тоқаев цифрландыру мен жасанды интеллект дәуірінде ғылым мен білімге ерекше орын берілетінін айтып, Стратегиялық серіктестер форумының басты міндетін атады.
Фото: «Казинформ» Telegram-арнасы
Қасым-Жомарт Тоқаев жаһандық цифрландыру мен жасанды интеллект дәуірінде ғылым мен білімге әлемдік өркениеттің дамуында ерекше орын берілетінін атап өтті. Бұл туралы мемлекет басшысы Стратегиялық серіктестер форумында мәлімдеді.
Бұл туралы Qazaqtoday.info сайты хабарлайды.
«Ғылым – бүкіл адамзаттың ортақ игілігі. Әлемдік қоғамдастық елдеріміздің гүлденуі мен азаматтарымыздың өмір сүру сапасын арттыру үшін ғылым мен білімдегі әрбір жетістікті практикалық тұрғыдан пайдалануды саналы түрде табуы керек», – деді Президент.
Оның айтуынша, Стратегиялық серіктестер форумының басты міндеті дәл осы мақсатқа қол жеткізу болып табылады. «Мұны сеніммен айтуға болады», – деп атап өтті Қасым-Жомарт Тоқаев.
