Кәсіпкер Тұрсынбек Қабатовқа Умра жолдамасын сыйлады
Кәсіпкер Әділет Байнашев әзілкеш Тұрсынбек Қабатовқа 10 жыл бұрынғы жақсылығы үшін Умра қажылығына жолдама сыйлады. Әлеуметтік желіде пікір екіге бөлінді.
Сурет: sn.kz
Танымал кәсіпкер Әділет Байнашев әзілкеш Тұрсынбек Қабатовқа 10 жыл бұрынғы жақсылығы үшін алғыс айтып, Умра қажылығына жолдама сыйлады. Бұл туралы Sn.kz ақпарат порталы хабарлайды.
Бұл туралы Qazaqtoday.info сайты хабарлайды.
Кәсіпкердің айтуынша, осыдан он жыл бұрын анасының 54 жас мерейтойын Тұрсынбек Қабатов ақысыз жүргізіп берген. Сол кездегі жақсылығын ұмытпаған Әділет Байнашев араға жылдар салып, оған ерекше сый жасауды жөн көрген.
Ол сол кездегі оқиғаны еске алып, анасының туған күнін ұйымдастыруға қалай бел буғанын да айтып берді.
«Ағам тегін жүргізіп беремін деді. Нартәуекел деп тақырып тауып алдым өзім. 2-3 күн ойланып, “Анамның барына Аллаға шүкір” деп қойдым», – деді кәсіпкер.
Алайда кәсіпкердің бұл әрекеті әлеуметтік желіде қызу талқыланып, көпшіліктің пікірі екіге бөлінді. Бірі оның жасаған жақсылығын жоғары бағаласа, енді бірі Тұрсынбек Қабатовтың жеке өміріне қатысты пікір білдірді.
Желі қолданушыларының жазбаларынан: «Жіберіңіз, есі кіріп қалар», «Жарайсың, Әділет!», «Әйелі көргенді екен», «Қатыны мен балаларын тастаған еркекке не Умра керек?», «Аш кездегі жақсылық ұмытылмайды», «Кино көргендей болдым» — деді, көпшілік.
