Рембрандттың «Түнгі күзет» картинасынан 20-дан астам бактерия түрі табылды

Сурет: inbusiness.kz

Нидерланд суретшісі Рембрандттың 400 жылға жуық тарихы бар «Түнгі күзет» полотносынан кемінде 20 бактерия түрі анықталды. Бұл туралы inbusiness.kz хабарлайды.

Бұл туралы Qazaqtoday.info сайты хабарлайды.

Амстердамдағы Нидерланд мемлекеттік мұражайының (Рейксмюсеум) мамандары картинаны ауқымды зерттеу барысында ерекше жаңалық ашты. Зерттеу 2019 жылы басталған «„Түнгі күзет“ операциясы» жобасы аясында жүргізіліп жатыр. Оның басты мақсаты — суретшінің техникасын зерттеп, туындыны болашақ ұрпақ үшін сақтаудың жолдарын табу.

Бұл жолы ғалымдар полотно бетінде тіршілік ететін микрофлораны зерттеуді ұйғарды. Талдау үшін олар картинаның түрлі бөліктерінен 60-қа жуық үлгі алып, бактерия колонияларын өсіру үшін зертханаға жіберді.

Зерттеу адам терісіне, топыраққа және өсімдік тамырларына тән микроорганизмдерді анықтады. Алайда ғалымдарды ең көп қызықтырғаны — Microbacterium saccharophilum бактериясы. Бұл түр алғаш рет 2013 жылы Жапониядағы қант өңдейтін кәсіпорында табылған.

Жапон өндірісімен байланысты микроорганизмнің Амстердамдағы өнер туындысына қалай келгенін зерттеушілер әзірге анықтай алмады.

Сонымен қатар талдау картинаның сақталуына қауіп төндіретін бактериялардың бетінде жоқ екенін көрсетті.