Астанада жеке тұрғын үй өртенді
Фото: Видеодан скрин
Түнде Астананың Сарыарқа ауданындағы Талапкер көшесінде жеке тұрғын үйдің шатыры өртенді, деп хабарлайды Qazaqtoday.info ақпарат порталы.
«Жеткен бойда қызметкерлер өртті сөндіруге кірісіп, жалынның одан әрі таралуына жол бермеу үшін қажетті шараларды қабылдады. 100 шаршы метр аумақтағы өрт толық сөндірілді», — делінген хабарламада.
Зардап шеккендер жоқ. ТЖМ өрт қауіпсіздігі талаптарын сақтаудың маңыздылығын еске салып, азаматтарды өртке әкелуі мүмкін кемшіліктерді дер кезінде жоюға шақырады.
