Өскеменде тәртіп бұзушыға ескерту жасаған полицей қаза тапты
Өскеменде 40 жастағы тұрғын тәртіп бұзушыға ескерту жасаған полицейді ауыр жарақаттап өлтірді. Күдікті ұсталып, қылмыстық іс қозғалды.
Фото: ИА «NewTimes.kz»
Өскемен қаласында тәртіп бұзушыға ескерту жасаған полицей қаза тапты. Алдын ала деректерге сүйенсек, 40 жастағы жергілікті тұрғын дөрекілік танытқан бір келушіге ескерту айтқан.
Бұл туралы Qazaqtoday.info сайты хабарлайды.
Оған жауап ретінде агрессор ер адамға ауыр жарақат салып, ол оқиға орнында көз жұмды. Төбелес кезінде жағдайды реттеуге тырысқан тағы бір адам зардап шекті.
Құқық қорғау органдары нақтылағандай, қаза тапқан адам шынымен полицияда қызмет еткен, бірақ оқиға сәтінде қызметтік міндеттерін атқарып жүрмеген.
Болған жайт бойынша қылмыстық іс қозғалып, күдікті ұсталып, уақытша ұстау изоляторына қамалды. Тергеу мүддесі үшін өзге ақпарат жарияланбайды.
Бұған дейін Алматы полицейі Алматы облысында аяусыз өлтіріліп, өртелгені хабарланған болатын.
