Мерей Қабдуллаев Азия ойындарының финалына шықты
Қазақстандық джиу-джитсу шебері Мерей Қабдуллаев Жапониядағы Азия ойындарының жартылай финалында Қырғызстан өкілін жеңіп, финалға шықты. Ол 85 келіге дейінгі салмақта ел намысын қорғап жүр.
Сурет: ҰОК
Жапонияның Аичи-Нагоя қаласында өтіп жатқан Азия ойындарында қазақстандық джиу-джитсу шебері Мерей Қабдуллаев жартылай финалда жеңіске жетті. Ол 85 келіге дейінгі салмақ дәрежесінде ел намысын қорғап жүр.
Бұл туралы Qazaqtoday.info сайты хабарлайды.
Жартылай финалда жерлесіміз Қырғызстан өкілі Абдурахман Муртазалиевті ұтты. Енді шешуші белдесуде Мерейдің қарсыласы Сауд Арабия өкілі Абдулла Тарик Нада болады.
