«Ешқандай хайп емес»: Танымал блогерлердің шаңырағында не болып жатыр
Фото: tengrinews.kz
Блогерлер Ерболат Жанабылов пен Эльмира Төлегенованың отбасы әлеуметтік желіде қызу талқыланып жатыр. Эльмира күйеуімен жанжал болғанын айтып, әлеуметтік желіде видео жариялаған,деп хабарлайды Qazaqtoday.info ақпарат порталы.
Оның сөзінше, жанжал кезінде ол гардеробқа кіріп, есікті ішінен жапқан. Ерболат телефонын тартып алып, стористерін өшірген. Эльмира күйеуінің өзін ұрмағанын нақтылады.
Астана полициясы 30 қыркүйекте отбасылық жанжал туралы шақырту түскенін растады. Полиция келгенде жанжал фактісі расталған. Эльмира шара қолданбау туралы арыз берген. Ерболатқа қатысты әкімшілік хаттама толтырылып, профилактикалық әңгіме жүргізілген. Медициналық куәландыруда екеуі де сау деп танылған.
Эльмира сонымен қатар қазір Ерболатпен ажырасу процесінде екенін мәлімдеді.
Бұған қоса, блогер 27 қыркүйекте әжесінің қайтыс болғанын айтып, қазір оған демалыс қажет екенін жеткізді.
«Бұл ешқандай да хайп емес», – деді Эльмира.
