Непалдағы тасқыннан қаза тапқандар саны 626-ға жетті
Непал мен Тибет шекарасындағы тасқыннан қаза тапқандар саны 626-ға жетті. Қазақстанның үш азаматы іздестірілуде, құтқару жұмыстары жалғасуда.
Фото: әлеуметтік желі
Непал мен Тибет шекарасындағы алапат тасқын салдарынан қаза тапқандар саны 626 адамға жетті. Тағы екі мыңға жуық адам хабар-ошарсыз кеткен, олардың қатарында Қазақстанның үш азаматы да бар. Бұл туралы Qazaqtoday.info сайты хабарлайды.
Қазақстандықтар туристік топ құрамында Непалдан Қытайға өтпек болған. Қазіргі уақытта ел дипломаттары жергілікті органдармен бірлесіп, іздестіру жұмыстарын жүргізуде. Тасқын мен лай көшкіні 45 шақырымға созылған жолды қиратып, мыңдаған адамды баспанасыз қалдырды. Құтқарушылар тәулік бойы іздеу-құтқару жұмыстарын жалғастыруда.
