Қазақстанның басым бөлігінде жаңбыр жауады: 24 тамызға арналған ауа райы болжамы

Қазақстанның басым бөлігінде 24 тамызда жаңбыр жауып, кейбір аудандарда қатты жаңбыр мен бұршақ түсуі мүмкін. Тек елдің батысында ғана жауын-шашынсыз ауа райы сақталып, +34+39°C ыстық болады деп хабарлайды Qazaqtoday.info сайты.

«Қазгидромет» мәліметінше, жаңбыр, найзағай, бұршақ және дауылға байланысты бүгін Қазақстанның көптеген облысында дауылды ескерту жарияланды.

Маңғыстау облысында қатты ыстық +38+42°C, Атырау облысында +35+39°C, Батыс Қазақстан облысында +35+38°C болады.

Қысқаша мәлімет:

Астанада күндіз +21+23°C, кейде жаңбыр, найзағай, бұршақ және дауыл болады. Түнде +8+10°C, жауын-шашынсыз. Жел жылдамдығы 9–14 м/с, екпіні 20 м/с-қа жетеді.

Алматыда күндіз +28+30°C, түнде +16+18°C, найзағай, жаңбыр, кейде қатты жаңбыр. Жел жылдамдығы 3–8 м/с, екпіні 18 м/с-қа дейін.

Шымкентте күндіз +32+34°C, түнде +15+17°C. Жел жылдамдығы 8–13 м/с, екпіні 20 м/с-қа дейін.