«Үйіміз құлағалы тұр»: Атырауда ипотекаға баспана алған тұрғындар дабыл қақты
Фото: видеодан скрин
Атырау қаласындағы Талқайран-2 ықшам ауданында ипотекаға үй алған тұрғындар баспаналарының жағдайына алаңдап отыр, деп хабарлайды Qazaqtoday.info ақпарат порталы.
Әлеуметтік желіде жарияланған видеода тұрғын үйдің ішіндегі ақаулар көрсетіліп, автор «үйіміз құлағалы тұр» деп мәселе көтерген. Оның айтуынша, бұл үйлерді «Батыс Альянс Строй» мекемесі салған. Тұрғындар жылдар бойы ипотекасын төлейтін баспананың сапасы мен қауіпсіздігіне кім жауап беретінін сұрап отыр. Ал мұндай шағымнан кейін Атырау қаласының әкімдігі мәселені сырттай бақылап қана қоймай, үйдің техникалық жағдайын тексертіп, тұрғындарға нақты жауап беруге тиіс. Егер құрылыс талаптарының бұзылғаны анықталса, жауапты тараптардан кемшіліктерді жою талап етілуі керек.
