Қайтарылған активтердің 610 млрд теңгеден астамы Қазақстан өңірлерін дамытуға бағытталған
Президент Қасым-Жомарт Тоқаевтың тапсырмасы бойынша мемлекетке қайтарылған қаражаттар нақты әлеуметтік және инфрақұрылымдық міндеттерді шешуге бағытталуда.
Олардың есебінен өңірлерде мектептер, медициналық және спорттық нысандар, сумен жабдықтау жүйелері мен көлік инфрақұрылымы салынуда және жаңғыртылуда.
Бүгінгі таңда жалпы сомасы 617,7 млрд теңгеге 500-ден астам жобаны қаржыландыру мақұлданды. Оларды жүзеге асыру жинақталған инфрақұрылымдық мәселелерді шешуге және халықтың базалық әлеуметтік қызметтерге қолжетімділігін жақсартуға мүмкіндік береді.
