Алтынай Жорабаева көзіне жасатқан косметикалық ота туралы айтты
Әнші Алтынай Жорабаева көзіне жасатқан косметикалық ота туралы айтып, процедураның ерекшеліктерімен бөлісті.
Сурет: sn.kz
Әнші Алтынай Жорабаева көзіне косметикалық ота жасатып, бұл процедураның қалай өткенін және оның ерекшеліктерін түсіндірді. Оның айтуынша, ота барысында ескі жіптер алынбай, екі көзіне де жаңа жіптер салынған. Бұл туралы ол әлеуметтік желіде бөлісті, деп хабарлайды Qazaqtoday.info сайты.
Өнер иесі процедураның қалай өткенін айтып, оның ерекшеліктеріне тоқталған.
«Ескі жібін алмаймыз деді. Екі көзімді де аяқтады. Басқа жіп салды. Аллаға шүкір. Енді бұл ісіп тұр, біраз күн солай болады. Ешқандай тыртық қалмайды, тіпті ауырмайды. Кеспейді, тек жіппен тігіп береді. Майы, ескі жібі болса алып тастайды. Ауырмайды, көгермейді, ешқандай қорықпаңыздар. Ұнамаса, жіпті алып тастайды, баяғы көзіңіз қалпына келеді», – деді Алтынай Жорабаева.
Әншінің бұл процедура туралы видеосы әлеуметтік желі қолданушыларының қызығушылығын тудырды.
