Баянауылдағы база: блогерлер жарнама жасаған 95 мың теңгенің нөмірі лас болып шықты

Фото: видеодан скрин

Баянауылдағы танымал блогерлер мақтаған «Qaiyndy Village» демалыс базасына келген демалушы тәулігіне 95 мың теңге төлеген нөмірінің сорақы сиқын көрсетті, деп жазады Qazaqtoday.info.

Бейнежазба авторының айтуынша, бөлмеде жағымсыз иіс мүңкіп, қабырғалары кірлеп, төбеден су аққан іздер қалған.

Сонымен қатар, едендегі шаң мен төсек астындағы бұрынғы қонақтардан қалған қоқыс тазалықтың атымен жоқ екенін айғақтайды. Ең сорақысы — дәлізде өрт дабылы жүйесінің ашық-тесік электр сымдары салбырап, демалушылардың қауіпсіздігіне тікелей қатер төндіріп тұр.

Ал кіреберістегі тайғақ кафельге тіпті сырғанауға қарсы кілемше де төселмеген. Елдегі туризмнің шынайы бет-бейнесін көрсеткен бұл бейнежазба желіде үлкен резонанс тудырды.

Видео: azattyq.ruhy