Тоқаев Путинге Украинадағы қақтығысты мұздатуды ұсынды

Сурет: kaztag.kz

Қазақстан Президенті Қасым-Жомарт Тоқаев Ресей Президенті Владимир Путинге Украинадағы қақтығысты мұздатуды ұсынды, деп хабарлайды Qazaqtoday.info сайты.

«Мәселен, Әзербайжан мен Армения арасында жанжал, оның ішінде мұздатылған жанжал болса, бұл жанжалдың мәні, шығу тегі бізге толықтай айқын еді — ол тарихтың тереңіне кеткен. Бірақ мұнда мұны түсіну өте қиын, және мен түсінемін, білемін, сіз Анкориджде, Аляскадағы кездесу кезінде дипломатиялық икемділіктің барынша жоғары деңгейін көрсеттіңіз. Ал бұл менің жай ғана қарапайым пікірім, маған жүгінгендіктен: мүмкін, бұл жанжалды мұздатып, Стамбул формуласы 2.0-ге қайта оралу керек шығар, өйткені онда елеулі нәтижелерге қол жеткізілген болатын. Әрине, Ресейді қоса алғанда, ұлы державалардың кепілдігімен, ұзақ күткен бейбітшілікке қарай жылжыған жөн», — деді Тоқаев Омбыда Путинмен кездесуде, деп хабарлады ТАСС агенттігі.

Тоқаевтың ойынша, басынан бастап бұл мемлекетаралық қақтығыс болды, азаматтық соғыс емес. Ол сондай-ақ Қазақстан әрдайым украин халқына, оның мәдениеті мен тіліне құрметпен қарайтынын, алайда бұл қақтығыстың табиғаты көпшілікке, оның ішінде қазақстандық тарапқа толық түсінікті емес екенін айтты.