Испания мен Аргентина финалында жеңімпаз қосымша уақытта анықталады
Испания мен Аргентина ӘЧ финалында Испания 8 соққы жасады, Аргентина еш соққы жасамады. Энцо Фернандес алаңнан шығарылды. Финал қосымша уақытта.
Сурет: ulysmedia.kz
Испания мен Аргентина құрамалары арасындағы Әлем чемпионатының финалында жеңімпаз қосымша уақытта анықталады, деп хабарлайды Qazaqtoday.info сайты.
90 минут бойы Испания құрамасы айтарлықтай басымдыққа ие болып, қарсылас қақпасына сегіз соққы жіберді. Ал Аргентина, керісінше, бір де бір соққы жасай алмай, осы көрсеткіш бойынша әлем чемпионаты финалдарының антирекордын орнатты.
Қазіргі әлем чемпиондарының жағдайы қосымша берілген уақытта қиындады. 90+3-минутта жартылай қорғаушы Энцо Фернандес екінші сары қағазын алып, алаңнан шығарылды. Осылайша, Аргентина құрамасы қосымша уақыт басталар алдында он адам болып қалды.
Бірінші таймда-ақ Аргентина қорғаушысы Лисандро Мартинесті жарақатына байланысты жоғалтты. 44-минутта оның орнына Николас Отаменди шықты.
Испания финалға Францияны 2:0 есебімен жеңіп, ал Аргентина жартылай финалда Англияны 2:1 есебімен ұтып шықты. Енді әлем чемпион атағының тағдыры қосымша уақытта, ал қажет болса, матчтан кейінгі пенальти сериясында шешіледі.
