Алдын ала мәлімет бойынша, жол апаты түнгі уақытта болған. Toyota Camry және Volkswagen Passat маркалы автокөліктері соқтығысып, салдарынан жеті адам оқиға орнында көз жұмған.
Облыстық полиция департаментінің мәліметінше, қазіргі уақытта оқиғаның барлық мән-жайын анықтауға бағытталған қажетті тергеу және процессуалдық іс-шаралар жүргізіліп жатыр.
– Тергеу нәтижесі бойынша заңнама талаптарына сәйкес тиісті процессуалдық шешім қабылданады, – деп хабарлады ведомство.
Полиция жүргізушілерді жол қозғалысы ережелерін қатаң сақтауға, жылдамдық режимін асырмауға, сондай-ақ жол және ауа райы жағдайларын ескеріп, көлік құралын басқару кезінде барынша мұқият болуға шақырды.
