Жамбыл облысында фосфор зауытындағы жарылыстан 26 жасар жұмысшы мүгедек болды

Сурет: newtimes.kz

Жамбыл облысындағы Жаңа Жамбыл фосфор зауытында болған жарылыстан 26 жасар жұмысшы мүгедек болып қалды. Зауыт цехында пештің жарылуы салдарынан ауыр жарақат алған Сұлтанбейбарыс Бескемпиров бір құлағынан естімей, бетіне күрделі оталар қажет болып отыр. Мемлекеттік еңбек инспекциясы кәсіпорынның толық кінәсін ресми түрде мойындады. Алайда жарақат алған жігіт зауыт басшылығынан емделуге өтемақы ала алмай отыр. Бұл туралы 24.kz-ке сілтеме жасап, Qazaqtoday.info сайты хабарлайды.

Жазатайым оқиға екі ай бұрын болды. Химиялық алыптың цехтарының бірінде пеш жарылып, Сұлтанбейбарыс Бескемпировтің бетіне ауыр металл құбырдың сынығы тиген. Соққының күші соншалық, жас жігіт аса ауыр жарақат алды.

Дәрігерлер жігіттің денсаулығына ауыр зиян келтірілгенін ресми растады. Жарылыстың салдары өте ауыр болғанын Сұлтанбейбарыс Бескемпировтің өзі айтты: «Одно ухо не слышит, там барабанной перепонки нет, половина лица онемевшая, не чувствую вообще. Все зубы, как бы сказать, тоже онемевшие. Сердце болит, нехватка кислорода. Нос тоже, кровотечение внутри. Руки, шея – все это само собой дергается, лицо тоже дергается», — деді ол.

Сұлтанбейбарыстың бетінің жұмсақ тіндерінде әлі күнге дейін металл сынықтары қалып отыр. Оның бұрынғы келбетін қалпына келтіру үшін шетелде жақ сүйегін қалпына келтіру бойынша қымбат оталар қажет. Заңгер Саламат Дүйсенбековтің айтуынша, шетелдік дәрігерлерге бір ғана кеңес алу 500 доллар тұрады, бұл қарапайым жұмысшының отбасы үшін көтере алмас сома.

Қорғаушы тарап зауыттан 30 миллион теңге моральдық зиян және емдеу шығындары, ұшулар мен тұру ақысын төлеуді талап етеді. Алайда кәсіпорын басшылығы жәбірленушінің отбасына тек 100 мың теңге аударып, екі айлық жалақысын төлеген. Осыған байланысты заңгер әкімшілікті түсініксіздікке айыптады.

Жамбыл облысы Еңбек инспекциясы департаментінің арнайы комиссиясы тергеуді аяқтап, нақты шешім шығарды: Жаңа Жамбыл фосфор зауытының қызметкердің ауыр жарақат алуына толық кінәсі дәлелденді. Сонымен қатар полиция еңбек қауіпсіздігі ережелерін бұзу фактісі бойынша қылмыстық іс қозғады.

Кәсіпорын өз кінәсін жоққа шығармайды, бірақ 30 миллион теңгені қолма-қол төлеуден бас тартады. Зауыт әкімшілігінің басшысы Тұрғымбай Юсупов үш жақты келісім жасап, оталарға ақшаны тікелей медициналық клиникаларға аударуға дайын екендіктерін мәлімдеді. Ол үшін жұмысшының отбасынан емдеу жоспарланған ауруханалардың ресми құжаттары мен баға тізімдерін ұсынуды талап етеді.

Тараптар ақша туралы дауласып жатқанда, мүгедек болған жұмысшы ауырсынуды бастан кешіріп, отаны күтуде. Жамбыл облысында өндірістік қауіпсіздік жағдайы күрделі болып қалуда: жыл басынан бері жергілікті кәсіпорындарда 24 жазатайым оқиға тіркеліп, 32 адам зардап шегіп, 7 жұмысшы қаза тапты.