Путин Ресей энергетикасына жасалған шабуылдарды мойындады, бірақ жағдайды бақылауда ұстап отыр

Ресей президенті Владимир Путин Украина шабуылдарының Ресейдің энергетикалық инфрақұрылымына зиян келтіргенін мойындады, алайда бұл елде аса ауыр тапшылық туғызбағанын айтты, деп хабарлайды Qazaqtoday.info сайты.

Путиннің сөзінше, зақымданған маңызды инфрақұрылым нысандары қысқа мерзімде қалпына келтіріліп жатыр және жүйе «берік қорымен» жұмыс істеуде. Ол Қырымдағы жанармай қоры бірнеше күнге жететінін және түбектің отынға деген қажеттілігі толық қамтамасыз етілетінін мәлімдеді.

Путин Ресей әуе шабуылына қарсы қорғаныс жүйелерін (ПВО) өндіру мен жеткізуді арттыру қажеттігін атап өтті. Оның айтуынша, Украина Ресей әскерінің алға жылжуын тоқтата алмайды және Мәскеу Киевтің келіссөз шарттарын таңуына жол бермейді. Украина қарулы күштерінің Ресей инфрақұрылымына жасаған шабуылдары майдандағы жағдайды өзгертпейді, олардың мақсаты – Ресей қоғамында алауыздық туғызу.

Путин Ресейдің Украина аумағына жауап соққылары «әлдеқайда ауқымды әрі ауыр» екенін айтты. Ол Ресейдің басты мақсаты Донбасс пен «Новороссияны» толық бақылауға алу екенін мәлімдеді. Оның сөзінше, Ресей әскері Сумы қаласына шамамен 10,5 шақырым қалды және бұл аймақта «қауіпсіздік белдеуін» құруды көздеп отыр. Сонымен қатар Ресей әскері Доброполье елді мекеніне жақындағанын, ал Украина күштерінің оның арғы жағында алдын ала дайындалған қорғаныс шептері жоқ екенін айтты. Путиннің мәліметінше, Ресей әскерінің Славянск қаласына дейінгі қашықтығы 8–9 шақырым ғана қалған.