Геннадий Головкин Халықаралық бокс даңқы залына енді
Қазақстандық боксшы Геннадий Головкин Халықаралық бокс даңқы залына енген алғашқы қазақстандық спортшы атанды.
Сурет: sn.kz
Қазақстандық атақты боксшы Геннадий Головкин Халықаралық бокс даңқы залының (IBHOF) мүшесі атанды, деп хабарлайды Qazaqtoday.info сайты.
АҚШ-тың Нью-Йорк штатындағы Канастота қаласында өткен салтанатты рәсімде Головкин тарихта Бокс даңқы залына енген алғашқы қазақстандық спортшы болды. Бұл – оның әлемдік бокстағы жетістіктеріне берілген жоғары халықаралық баға.
Геннадий Головкин кәсіпқой мансабында орта салмақта WBC, WBA, IBF және IBO тұжырымдары бойынша әлем чемпионы атанып, ұзақ жылдар бойы дивизионның көшбасшыларының бірі болды. Қазіргі таңда оның кәсіпқой бокстағы рекорды – 42 жеңіс, 2 жеңіліс, 1 тең нәтиже. Оның 37-сі нокаутпен аяқталған.
Айта кетейік, Головкин соңғы жекпе-жегін 2022 жылы өткізген. Қазір ол Қазақстан Ұлттық олимпиадалық комитетінде және World Boxing құрылымында басшылық қызметтер атқарады. Дегенмен спортшы әзірге мансабын ресми түрде аяқтағанын жариялаған жоқ.
