Дариға Бадықова Өскеменде құтқарушылар туралы жаңа фильмнің түсірілімін бастады
Танымал актриса әрі продюсер Дариға Бадықова Өскеменде құтқарушылар жайлы жаңа фильмнің түсірілімі басталғанын хабарлады. Ауқымды жоба туралы ол Instagram-да жазды.
Сурет: alash.kz
Белгілі актриса әрі продюсер Дариға Бадықова Өскемен қаласында құтқарушылардың жұмысы туралы жаңа фильмнің түсірілімін бастады. Продюсер бұл ауқымды жобасы туралы өзінің әлеуметтік желідегі парақшасында жариялады, деп хабарлайды Qazaqtoday.info сайты.
Актрисаның айтуынша, бұл үлкен жобаға қатысты толқу мен үміт аралас сезімде екенін, бірақ түсірілім жұмыстарының басталғанын жеткізді. «Өскеменге үлкен жобамен келдік. Қорқыныш та бар, үміт те бар. Бірақ тоқтамаймын», – деп жазды Дариға Бадықова. Айта кетейік, бұған дейін продюсер осы туындының құтқарушылардың ерен еңбегіне арналатынын мәлімдеген болатын.
