Астанада жол үстінде көлік өртеніп, адамдар зардап шекті
Астанада жол үстінде автокөлік отқа оранды. Куәгерлердің айтуынша, өрт алдында жарылыс болған. Зардап шеккендер ауруханаға жеткізілді. Себептері анықталуда.
Сурет: newtimes.kz
Астанада жолдың бойында жеңіл автокөлік өртенді. Оқиға салдарынан зардап шеккендер бар екені хабарланды, деп хабарлайды Qazaqtoday.info сайты.
Куәгерлердің алдын ала ақпараты бойынша, өрт сөндіру бөлімшелері келгенге дейін көлікте газ-ауа қоспасы жарылып, артынша от тұтанған. Оқиға салдарынан жақын маңда тұрған бірнеше көлікке зақым келген.
Оқиға орнына елордалық Төтенше жағдайлар департаментінің қызметкерлері мен Апаттар медицинасы орталығының мамандары дереу жеткен. Өрт сөндірушілердің күшімен жалын толықтай сөндірілді. Зардап шеккендерге қажетті медициналық көмек көрсетіліп, олар қаланың медициналық мекемелеріне жеткізілді. Оқиғаның себебі анықталып жатыр.
