Баян Алагөзова Меруерт Өтекешоваға пәтер, тон және гауһар сырға сыйлады
Продюсер Баян Алагөзова актриса Меруерт Өтекешоваға ерекше сый жасады. Ол «Қыз Жібек» жұлдызына пәтер, құндыз тон және гауһар сырға сыйлайтынын мәлімдеді.
Сурет: sn.kz
Белгілі продюсер Баян Алагөзова актриса Меруерт Өтекешоваға бағалы сыйлықтар табыстады, оның ішінде пәтер, құндыз тон және гауһар сырға бар. Бұл туралы ол өзінің әлеуметтік желідегі парақшасында мәлімдеді деп хабарлайды Qazaqtoday.info сайты.
Баян Алагөзова алдағы екі ай ішінде Меруерт Өтекешоваға қаланың кез келген жерінен қалаған пәтерін сатып әперуге уәде берді. Продюсер бұл сыйлықты «Қыз Жібек» фильмі арқылы қазақ өнеріне өлшеусіз үлес қосқан өнер иесіне деген ерекше құрметі ретінде жасағанын атап өтті.
Пәтерден бөлек, продюсер актрисаға құндыз тон мен гауһар тасты сырға тарту етті. Бұған дейін Баян Алагөзова Меруерт Өтекешоваға ай сайын бір миллион теңге көлемінде қаржылай көмек көрсетіп тұратынын да мәлімдеген болатын.
