Фото: Видеодан скрин
Жетісу облысында бірнеше күн бұрын жоғалып кеткен 70-тен асқан қария арнайы дронның көмегімен аман-есен табылды, деп хабарлайды QazaqToday.info ақпараттық порталы.
ТЖМ мәліметінше, 28 сәуір күні үйінен белгісіз бағытта шығып кетіп, қайта оралмаған 1952 жылы туған ер адамды іздестіру жұмысы сәтті аяқталды.
Іздеу жұмысына ТЖМ күштері мен құралдары жұмылдырылып, жергілікті аумақтар тексерілді, соның ішінде ұшқышсыз ұшу аппараты пайдаланылды.
«Жүргізілген іс-шаралар нәтижесінде ер адам Талдықорған қаласынан шамамен 15 шақырым жерде, «Ұйтас» саяжай қоғамы маңынан табылды. Құтқарушылар оны жедел түрде қауіпсіз жерге жеткізді. Медициналық көмек қажет болған жоқ», – делінген ҚР ТЖМ хабарламасында.
