Оралда ломбард атын жамылғандар 2000 адамды алдап соққан: схемасы белгілі болды
Оралда комиссиялық дүкен атын жамылып, заңсыз несие берген кәсіпкер ұсталды. Ол 2000-ға жуық адамды алдап, 128 млн теңге заңсыз пайда тапқан.
Орал қаласында комиссиялық дүкен кейпінде жұмыс істеп, заңсыз несие берген кәсіпкер анықталды. Ол осы әрекеті арқылы 128 миллион теңге заңсыз табыс тапқан, деп хабарлайды Qazaqtoday ақпарат агенттігі.
Тексеріс барысында «Аванс 07» ЖШС-нің микроқаржылық қызметпен айналысуға ешқандай лицензиясы жоқ екені белгілі болды. Алайда, кәсіпкер халыққа берген қарызының пайызын «алтын бұйымдарын сақтау қызметі» ретінде рәсімдеп, заңды айналып өтпек болған.
Қаржылық мониторинг агенттігінің қызметкерлері бұл заңсыздықты әшкерелегенге дейін компания осындай 2000-ға жуық келісімшарт жасап үлгерген. Қазіргі таңда күдіктінің автокөлігі мен 6 миллион теңге көлеміндегі қаражатына тыйым салынды.
Фото: Әлеуметтік желіден
