Рыбакина тағы да Соболенкомен кездеседі: финалда ескі қарсыластар
Қазақстандық теннисші Елена Рыбакина Индиан-Уэллстегі WTA 1000 турнирінің финалына шықты. Ол шешуші ойында ескі қарсыласы Арина Соболенкомен кездеседі.
Қазақстанның бірінші ракеткасы Елена Рыбакина Индиан-Уэллстегі (АҚШ) беделді WTA 1000 турнирінің финалына шықты, деп хабарлайды Qazaqtoday ақпарат агенттігі.
Жартылай финалдық кездесу тартысты өтті. Екі сетке созылған ойында қазақстандық спортшы украиналық Элина Свитолинаны 7:5, 6:4 есебімен тізе бүктірді.
Енді Рыбакина шешуші бәсекеде әлемнің бірінші ракеткасы, беларусьтік Арина Соболенкомен кортқа шығады. Бұл теннисшілердің арасындағы текетірес жанкүйерлер үшін үлкен қызығушылық тудырып отыр.
Себебі бұған дейін Елена дәл осы Соболенконы Аустралия ашық чемпионатының (Australian Open) финалында жеңіп, тарихи жеңіске жеткен болатын.
Фото: Әлеуметтік желіден
