Алматыда қазақстандық қыздарға қатысты балағат сөздер айтқан екі шетел азаматы 15 тәулікке қамауға алынды, деп хабарлайды Qazaqtoday ақпарат агенттігі.
Алматы қалалық полиция департаментінің хабарлауынша, Медеу ауданының полициясы екі шетелдікке қатысты әкімшілік іс қозғаған. Олардың Threads әлеуметтік желісінде қоғамдық тәртіпті және Қазақстан заңнамасын бұзатын әдепсіз сөздер жазғаны анықталған.
Іс материалдары Алматы қаласының мамандандырылған ауданаралық әкімшілік сотына жолданды. Соттың шешімімен екі құқық бұзушы да 15 тәулікке әкімшілік қамауға алынды.
Фото: Әлеуметтік желіден
