«Асыға күтемін»: Роза Рымбаева жүрекжарды жазба жариялады (ВИДЕО)
Фото: видеодан скрин
Қазақстанның халық әртісі Роза Рымбаева сахнадағы шығармашылық жолының 50 жылдығына орай тыңдармандарына арнап жаңа жеке концертін ұсынбақ. Мерейтойға арналған бұл кеш өнер иесінің жарты ғасырлық еңбегін қорытындылайтын айрықша музыкалық жоба болмақ. Бұл туралы Qazaqtoday.info ақпарат порталы хабарлады.
Әлеуметтік желілерде әншінің жанкүйерлері бұрынғы концерттерден естеліктерін бөлісіп, жылы лебіздерін білдіруде. Солардың бірі 1996 жылы студент кезіндегі Роза Рымбаеваның концертіне қатысқанын айтып, әсерлі сәттердің әлі күнге дейін жадында сақталғанын жазған.
Өнерсүйер қауым әншінің әр бастамасына қолдау білдіріп, жаңа жобаларын асыға күтетінін жеткізуде. Жаңа жылдың алғашқы айында өтеді деп жоспарланған мерейтойлық концерт көрермендер үшін ерекше әрі есте қаларлық мәдени оқиға болмақ.
Ұйымдастырушылардың айтуынша, бұл кеш Роза Рымбаеваның шығармашылық жолын, сахнадағы жарқын белестерін және тыңдарманмен қалыптасқан ерекше байланысты тағы бір мәрте айшықтайды.
Посмотреть эту публикацию в Instagram
