«Бокс қазір бизнеске айналды»: Жәнібек Әлімханұлы чемпиондарға үндеу жасады

Фото: Іnstagram.com/janibek_alimkhanuly

WBO/IBF нұсқалары бойынша орта салмақтағы әлем чемпионы Жәнібек Әлімханұлы кәсіби бокстың қазіргі жағдайына және басқа чемпиондардың белбеулерді біріктіру үшін онымен жекпе-жекке шығуға құлықсыздығына көңілі толмайтынын білдірді, деп хабарлайды Qazaq Today ақпарат порталы. 

«Әрқашан чемпиондармен жұдырықтасуға дайын болдым. Қазір де дайынмын. Чемпиондар, сендер қайдасыңдар? Кейбір чемпиондар қорқақ! Мұны бәріміз білеміз! Екінші орта салмаққа көтеріліп, чемпионмен бірден жекпе-жек өткізуге дайынмын. Бірақ ол менімен төбелеспейді. Менімен айқасуға дайын чемпиондар бар ма? Өкінішке қарай, бокс қазір бизнеске айналды. Боксшыларға белбеу емес, ақша керек. Бұл бокста болып жатқаны өте өкінішті», – деп жазды Әлімханұлы Х әлеуметтік желісіндегі парақшасында