Grand Slam турнирі: Елдос Сметов тізімде жоқ
Фото: Изтургана Алдауева
7–8 ақпан күндері Париж қаласында өтетін Grand Slam турниріне қатысатын Қазақстан ұлттық құрамасының дзюдошылары анықталды. Алайда бұл жарыста Олимпиада чемпионы Елдос Сметов ел намысын қорғамайды, деп хабарлайды Qazaq Today ақпарат порталы.
Париждегі беделді турнирде Қазақстан атынан келесі спортшылар бақ сынайды:
48 кг – Әбиба Әбужақынова
60 кг – Шерзод Давлатов
66 кг – Ғұсман Қырғызбаев, Бауыржан Нарбаев
81 кг – Абылайхан Жұбаназар
90 кг – Айдар Арапов
100 кг – Нұрлыхан Шархан, Марат Байқамұров
Айта кетейік, бұл Grand Slam додасы қазақстандық дзюдошылар үшін 2026 жылғы алғашқы халықаралық жарыс болмақ. Ал Елдос Сметов 2024 жылғы Париж Олимпиадасынан кейін әзірге ресми бәсекелерге қатысқан жоқ. Дегенмен, атақты спортшы жуырда жаттығу үдерісіне қайта кіріскенін мәлімдеген болатын.
