Өскеменде Beeline дауы: интернет істемей, халық сервис орталығына жиналды

Фото: видеодан скрин

Өскеменде Beeline байланысына қатысты наразылық күшейіп, компанияның сервис-орталықтарында үлкен кезек пен ажиотаж пайда болды. Әлеуметтік желіде тараған бейнежазбаларда тұрғындардың сағаттап кезекте тұрғаны, ашулы айқай мен шағымдардың жиілегені анық көрінеді, деп хабарлайды Qazaq Today ақпарат порталы.

Куәгерлердің айтуынша, соңғы күндері оператордың қызметі күрт нашарлаған:
• ұялы байланыс жиі жоғалады,
• интернеттің жылдамдығы күрт төмендеген,
• қосымша қызметтер жұмыс істемей қалған.

Видеодағы адамдардың бірі:
«Бұл мазақ қой! Байланыс мүлде ұстамайды», – деп ашуланады.

Желі қолданушылары да пікір қалдырып, наразылықтарын ашық жазған:
– «Beeline – ең нашар байланысқа айналды»
– «Оператор көмектеспейді, сервис нөл»
– «Басқа операторға өтетін уақыт болды»
– «Осындай сапамен қалай жұмыс істейді?»

Бір тұрғын өз жағдайын егжей-тегжейлі баяндады:

«Айына 20 мың төлеймін. Интернет те, қоңырау да жұмыс істемейді. Janymda қосымшасы екі айдан бері ашылмайды. Тарифті жаңарта алмай отырмын. Call-центр үш рет уәде берді, бірақ ештеңе өзгермеді. Жұмысым бойынша нөмір ауыса алмаймын, амалсыз шыдап жүрмін», – дейді ол.

Тағы біреуі қысқа ғана пікір қалдырған:
«Beeline өліп қалған. Бұрынғы сапасы жоқ».

Қазір Өскемен тұрғындарының шағымдары әлеуметтік желілерде қарқынды тарап, видеолар мыңдаған қаралым жинап жатыр. Халық компаниядан жедел түсініктеме мен мәселені шешуге арналған нақты қадам күтуде.