«Манчестер Ситиге» ауысқан өзбек футболшысының жалақысы белгілі болды

Орталық қорғаушы атақты командамен 2029 жылдың маусымына дейін келісімге қол қойды, деп хабарлайды Qazaq.today ақпарат порталы. 

Өзбек футболшысының келісімді тағы бір маусымға ұзарту мүмкіндігі бар, яғни, оның 2030 жылға дейін де клубта қалуына болады.

Трансфер құны әртүрлі дереккөзде 40 миллион еуроға бағаланған. Осылайша, Хусанов – «Манчестер Сити» сатып алған ең қымбат қорғаушылардың бірі. Футболшыға жақын дереккөз Нарзулла Сайдуллаев Абдукодирдің ағылшын клубындағы жылдық жалақысы шамамен 3,5 миллион еуро (аптасына шамамен 67 000 еуро) екенін мәлімдеді.

Абдукодир Хусановтың «Манчестер Ситиге» ауысуы Өзбекстан футболы үшін тарих деуге толық мүмкіндік бар. 24 жастағы қорғаушы көрші мемлекеттің АПЛ-дегі алғашқы өкілі саналып отыр.

Өзбек футболшысы «Манчестер Ситидегі» дебютін «Челсиге» қарсы ойында жасауы ықтимал. Спортсүйер қауым әлемнің ең мықты чемпионаттардың бірінде доп тебетін Хусановтың ойынын асыға күтіп жүргені анық.

Фото: «Манчестер Сити»