Маңғыстауда жарылыс болды
Фото: видеодан кадр
Маңғыстау облысында газ құбыры желісінде өрт шығып, жарылыс болды, деп хабарлайды Qazaq Today ақпарат агенттігі.
Оқыс оқиға аудан аумағында «ИнтергазОрталықАзия» АҚ-ның САЦ-4 магистральді газ құбырында болды. Бұл туралы өңірдің төтенше жағдайлар департаменті мәлімдеді.
«18 наурыз күні түнгі сағат 23:00 минут шамасында Бейнеу ауылындағы «ИнтергазОрталықАзия» АҚ-ның САЦ-4 магистральді газ құбырының поршеньді жіберу торабында өрт шығып, жарылыс болды. Оқиғадан зардап шеккендер жоқ. Өрт толықтай сөндірілді. Қазіргі таңда жарылыстың себебі анықталып жатыр», — деді Маңғыстау облыстық ТЖД-нің баспасөз қызметі.
